amarEaliberdade

hai pouco era en espabilados e matados, despois quedamos en que era en dúas clases de idiotas: os que prestaban libros e os que os devolvían. Ben, xa está agora a última teoría: a do embigo. O mundo divídese na xente que considera o seu embigo o punto arredor do que xira o mundo e os que non. Uns prefiren andar, pensar, escoitar, aprender. Outros cren que xa o saben todo e todo o que saben e do que falan é en torno ao embigo, o máis preciado que teñen. Son esa xente que di: hoxe leo ata a lección 10, e non saio porque se saio mañá as dez da noite non vou poder...e o martes as cinco e media....pregúntenlle que van facer dentro de 15 días a tal hora e posiblemente o saiban. Xa poden recibir unha mensaxe preciosa un día, na que lles digan cousas que ninguén lles dixo antes, pero dirán: ai, non a contesto que o saldo tenme que durar ata dentro de 3 días. Esa é a teoría do embigo. Despois están os "outros", os sempre inaptados, os que pensan que un coche novo e un traballo no que gañes moitos cartos non é o mellor ao que aspirar. Os que son felices ollando as estrelas. Os que buscan unha canción, unha mirada, un sorriso, que lles explique todo e que lles ensinen. Os que opinan que non vale só unha vida para todo o que hai que aprender. Os que cantan pola rúa sen acordarse ao día seguinte (ou si). Os que cren que outro mundo é posible, os que loitan contra o sistema (máis ou menos).

¿vostedes que prefiren, protestar ou comprar?